Alakamisy 31 Desambra 2020
Ny zavatra rehetra dia miara-miasa hahasoa izay tia an’Andriamanitra, dia izay voantso araka ny fikasany rahateo. Romana 8:28
Eny ! fahasoavana lehibe indrindra
Ny nametraka tamin’i Jesosy Kristy
Ny tena, ny aina ary ny fanahy,
Izay rehetra ananana, izay rehetra tiana !
Mety tsy ho nosafidiko angamba
Ny lalako araka ny nanaovan’Andriamanitra azy,
Nefa dia ekeko tsy misy fanenenana
Ny sitrapon’ny Tompo, sitrapo masina.
Na inona na inona hitranga, dia afaka mino aho
Fa fantany mialoha ny zavatra rehetra,
Ary noho ny fahasoavany, dia nokendreny
Mba hifarana ho voninahiny ny zavatra rehetra.
Fantany tsara aoka izany izay ilaiko !
Amin’ny fitiavany aho no miantehitra ;
Ny zava-miafin’ny zavatra rehetra
Dia hambara ahy any ambony any !
Rose Gaensli