Alarobia 11 Novambra 2020
(Tenin’i Jesosy :) Mankanesa atỳ amiko, ianareo rehetra izay miasa fatratra sy mavesatra entana, fa Izaho no hanome anareo fitsaharana. Matio 11:28
Fa na iza na iza no misotro ny rano izay homeko azy dia tsy hangetaheta mandrakizay ; fa ny rano izay homeko azy dia ho loharano miboiboika ao anatiny ho fiainana mandrakizay. Jaona 4:14
Raha toa ny fiainanao
Ka vesaran’ny ratsy vitanao,
Sy ny ratsy natao taminao koa,
Mbamin’ny ratsy mikiky anao…
Raha toa marary ny fanahinao
Sy ny fonao ary koa ny vatanao …
Raha toa tsy misy kintana ny alinao
Ary tsy misy masoandro ny andronao …
Raha toa tsy hitanao intsony
Ny faran’ny lalanao, raha toa tsy fantatrao intsony
Ny lalana tokony haleha …
Aza mijanona tsy mihetsika eo.
Atodiho ny masonao ho any amin’i Jesosy
Izay efa manatsika anao sahady.
Atolory Azy ny tananao,
Fa efa manolotra ny tanany aminao Izy …
Ho hitanao
Fa hiverina indray ny herinao,
Hamirapiratra hazavana ny masonao,
Hisy dikany tanteraka indray ny fiainanao.
Ary hamony indray ny fanantenana
Ao an-jaridainan’ny fonao.
J. Beaulac