Olona noarìna aho,

Tsy hoe tsy fanta-piaviana.

Olona tiana aho,

Tsy hoe tsy misy fitodiana.

Misy dikany ny fiainana !

Eto amin’ity tontolo midadasika ity, izay amirapiratan’ny hazavana,

Ahy ny toera-midadasika ;

Mitantana ahy Andriamanitra

Ary finaritra ny fanahiko noho ny fitiavany.

Mitsiky amin’ny andro aho,

Miposaka izy ary mampitony ahy,

Satria midify ho mandrakizay

Ilay nofy izay

Mbetika mampisy tafiodrivotra,

Mbetika mampifoha ny tahotro.

Triatra toy ny voro-damba mivelatra ny zavona,

Ka vetivety foana dia misava.

Misy hazavana mahatsara

Miditra hatrato anaty foko lalina ato ;

Misy hira manako ao amin’ny alina !

Mahagaga ny feon’Ilay

Mampaneno ny tadim-peon’ny fitiavana !

Nanolotra ny ainy ny Mpamonjiko, satria nitia ahy ;

Maty teo amin’ny hazofijaliana Izy mba hanaisotra ny fahotako.

Ry sakaiza ! Manatòna Ilay mijoro eo amin’ny sampanan-dalanao

Ka manolotra ho anao ny famonjeny !

Nitia anao Izy, nitady anao, nahita anao, namonjy anao.