Ry Jesosy hany lalana, Jesosy Mpamonjiko,

Na aiza na aiza alehako, tsy matahotra na inona na inona aho,

satria miara-mandeha amiko Ianao.

Misaotra aho. Mikarakara ahy Ianao,

ry Jesosy, Mpiandry ahy,

Notanterahinao izay rehetra nampanantenainao,

nanomboka tamin’ny andro nanafahanao ahy.

Ry Jesosy antom-piainako,

Hatramin’ny nanomezanao ahy ny aina,

dia niova ny zavatra rehetra, hafa ny fijeriko izao tontolo izao ;

Eny, Ianao no mampazava ny alina maizina misy ahy sy ny maha irery ahy,

Manome fiadanana ahy Ianao.

Eny, miovaova ny toejava-misy,

nefa ny hahasoa ahy no anton’izany.

Ry Tompo loharanon’ny aiko,

Ny hazavanao no mitarika ahy ao anatin’ny alina.

Tsy mba irery aho,

tsy hisy hampitebiteby ahy intsony, na inona na inona.

Eny, hatao anie ny sitraponao,

Ampianaro aho hanompo amin’ny fo tena madio.

Eny, miovaova ny toejava-misy,

nefa matoky Anao aho.