Ny finoana dia mampiseho ny tanan’Andriamanitra

Miasa ao amin’ny voariny mahatalanjona,

Sy araka ny toetrany tsy mba miova, ho an’ireo izay miaina

Tsy amin’ny fahitana, fa amin’ny finoana.

Ny razantsika dia namakivaky ny tany,

Nino ny heriny sy ireo fampanantenany,

Ka niandry ilay tanàna masin’Andriamanitra,

Tanàna anjakan’ny fahamarinana sy ny fiadanana.

Ary ny mpaminany, tamin’ny finoana

Dia nahita ny andro hiavian’Ilay Mesia,

Mesia mahery mba hanapatapaka ny gadran’ny ota,

Sy hivoaka mpandresy avy ao am-pasana.

Amin’ny herin’ny Fanahy,

Ny Fiangonana dia tsy maintsy manambara etỳ an-tany

Fa ny mpifatotra rehetra dia hafahan’Andriamanitra :

Vaovao mahafaly izany, raisina amin’ny finoana.

Ny finoana dia mahafindra tendrombohitra.

Ho an’ireo izay miantso an’i Jesosy Kristy,

Ny herin’ny Filazantsara dia handresy.

Hain’ny mino ny zavatra rehetra.

Hiaina araka ny herin’ny fampanantenan’i Kristy isika ;

Ary ny masontsika mibanjina Azy, ilay Satroboninahitsika,

Mandra-pahatapitry ny hazakazaka sy ny asa,

Mibanjina Azy, tsy amin’ny fahitana, fa amin’ny finoana.