Zoma 31 Desambra 2021
Tompo ô, … Andriamanitra Ianao hatramin’ny taloha indrindra ka mandrakizay. Salamo 90:1, 2
Voninahitra, haja, fahefana,
Hery, fankatoavana,
Ho an’Ilay Andriamanitra lehibe mandrakizay,
Izay nahary ny zavatra rehetra.
Any aminao, ry Andriamanitra hany hendry,
No iakaran’ny fanajanay,
Eny, amin’ny vanimpotoana rehetra mifandimby,
Ary ho mandrakizay.
Voninahitra, haja, fahendrena,
Fahefana sy harena,
Ho an’i Jesosy, Ilay Zanak’ondrin’Andriamanitra
Izay namoha ny lanitra hidirantsika.
Ndao hampahatsiaro ny voninahitra,
Ny asam-panonerana,
Ary ny fandresen’
Ilay Zanaka masin’Andriamanitra.
Ao amin’ny habakabaka midadasika,
No aoka hisandratra ny feontsika hoe :
Mendrika fiderana sy fanajana Ianao,
Ry Tompo Jesosy !
Endre, Ianao Izay tia anay,
Ny fitiavanao faratampony
No antom-pideranay
Ho mandrakizay.
Amen !
Ruth Demaurex