Alarobia 26 Jona 2024

Mangetaheta an’Andriamanitra ny fanahiko, dia Andriamanitra velona. Salamo 42:2

Nahoana no mitanondrika ianao, ry fanahiko, ka mitoloko ato anatiko ? Manantenà an’Andriamanitra ianao. Salamo 42:5

 

Inona no mampitebiteby anao ?

Inona no mampitebiteby anao, ry foko ? Velomy indray ny herimponao ; Tsarovy Ilay Mpahary anao, Ny fisalasalana dia faniratsirana. Ilay Andriamanitra fitiavana Dia famonjena ho anao ; Ry zanak’Ilay Andriamanitra avo indrindra, Fantany ianao, tia anao Izy.

 

Banjino Ilay Andriamanitr’izao tontolo rehetra izao, Izay mahafantatra ny fijalianao. Manana fomba marobe Efa vonona Izy hiarovany anao. Ary eny an-tsandriny Ianao dia tsy hatahotra. Eo anivon’ny tafiotra mamely mafy, Dia Andriamanitra irery no fialofana ho anao.

 

Tompo ô, mbola ho afaka hisalasala ihany ve aho ? Eny, fantatro fa tia ahy Ianao. Eny an-tsandrinao no tianao hitondrana ahy Mandra-pahatonga ilay fotoana lehibe Hiavianao Sy handraisanao ahy Ao an-tranon’ny Ray. Ianao no itokian’ny foko. (araka ny soratr’i Mattias Engel amin’ny teny alema)