Zoma 6 Septambra 2024
Tompo ô, hankany amin’iza moa izahay ? Ianao no manana ny tenin’ny fiainana mandrakizay. Jaona 6:68
Lazao an’i Jesosy ny zava-drehetra !
Tononkira ho an’ireo izay mijaly
Reraka ve ianao, feno alahelo ?
Lazao an’i Jesosy ny zava-drehetra !
Misokatra tsy tapaka hihaino anao ny fony,
Eny ! lazao an’i Jesosy ny zava-drehetra !
Lazao an’i Jesosy ny zava-drehetra ! Eny ! lazao Azy avokoa !
Mamy dia mamy ny fandraisany !
Afaka mahatakatra izay lazainao Izy, tiany ny mihaino anao :
Lazao azy tsotra fotsiny ny zava-drehetra !
Hitany ny masonao menan’ny ranomaso ;
Lazao an’i Jesosy ny zava-drehetra !
Fantany ny fonao, fantany ny tebitebinao,
Eny ! lazao an’i Jesosy ny zava-drehetra !
Raha mitamberina toy ny aloka ny lasanao,
Lazao an’i Jesosy ny zava-drehetra !
Ny rany mamafa ny fahotanao tsy hita isa,
Eny ! lazao an’i Jesosy ny zava-drehetra !
Ary ny ho amin’ny ampitso, izay ahinao mafy,
Lazao an’i Jesosy ny zava-drehetra !
Eo akaikinao Izy eny amin’ny lalanao,
Eny ! lazao an’i Jesosy ny zava-drehetra !